Ísfólkið 36 - Galdratungl Christa Lind á að fæða einstaka barnið sem síðar á að berjast við Þengil illa. Líf hennar breytist þegar hún uppgötvar að hún er í raun dóttir næturdímonsins Tamlins. Frank, stjúpi hennar, vill gifta hana ekklinum Abel sem er mun eldri og á sjö syni. Henni líst öllu betur á fátæka vinnumanninn Lindeló, sem er dularfullur og spennandi. Óhugnanleg vera læðist um á næturnar og á morgnana finnast líkin... MARGIT SANDEMO höfundur Ísfólksins er fædd 23. apríl 1924 i Östre Toten i Noregi. Margit ólst upp í Svíþjóð en flutti aftur til Noregs á fullorðinsárum. Faðir hennar var Anders Underdal, stundum kallaður skáldið frá Valdres en hann var sagður launsonur

Nóbelskáldsins Björnstjerne Björnson. Margit skrifar á sænsku og gaf út sína fyrstu bók árið 1964. Rómantík og spenna ásamt yfirnáttúrulegum öflum einkenna bækur hennar. Hún hefur skrifað fjöldan allan af sjálfstæðum skáldsögum en þekktust er hún fyrir alla þá bókaflokka sem hún hefur látið frá sér fara um ævina. Söguna um Ísfólkið skrifaði Margit á árunum 1982 til 1988 en alls eru 47 bækur í bókaflokknum og þegar mest var skilaði hún frá sér bók á sex vikna fresti eða um átta bókum á ári. Á síðustu árum hefur Margit látið sér nægja að skrifa eina til fjórar bækur á ári. Í allt hefur Margit skrifað meira en 170 bækur og er mest seldi rithöfundur Norðurlandanna með meira en 39 milljónir seldra bóka. Þar af hefur Sagan um Ísfólkið selst í um 25 milljónum eintaka um allan heim.

Gerist áskrifendur að Ísfólkinu.

• Áskrifendur fá bókina senda heim til sín.
• Áskrifendur fá 20% afslátt.
• Áskrifendur fá 15% afslátt af bókum í öllum bókabúðum Eymundsson.
• Áskrifendur fá 10% afslátt af öðrum vörum í bókabúðum Eymundsson.
• Áskrifendur borga sendingarkostnað.

Þeim sem vilja eignast bækurnar án þess að gerast áskrifendur er bent á að kaupa þær á www.eymundsson.is